English (United Kingdom)khmer (Kh)
Imagea Imageb Imagec Imaged Imagee Imageg Imagei Imagej Imagek Imagel Imagen
អង្គការអនាម័យដើម្បីបរិស្ថានកម្ពុជា (ESC) គឺ​ជា​អង្គការ​ក្រៅ​រដ្ឋាភិបាល​ដែល​ធ្វើការ​ដើម្បី​អនាម័យ សុខភាព​និង​និរន្តរភាព​សម្រាប់​​អ្នក​​ទាំង​អស់​​គ្នា។

យើងផ្តល់​សេវាកម្ម​ផ្នែក​បច្ចេកទេស​និង​សង្គម​ដើម្បី​ធ្វើ​ឲ្យ​​មាន​ការ​កែ​ប្រែ​ឥរិយាបថ​ចំពោះ​សុខភាព​និង​អនាម័យ​ព្រម​​ទាំង​​ការ​គ្រប់​គ្រង​​​សំណល់​​​ឲ្យ​បាន​​ត្រឹម​ត្រូវ​និង​មាន​សុវត្ថិភាព។

យើង​​ធ្វើការ​​នៅ​តាម​សាលារៀន មន្ទីរពេទ្យ សហ​គមន៍ និង​សហគ្រាស​​ខ្នាត​តូច​និងមធ្យម​ដើម្បី​ជួយ​ការពារ និង​លើក​កំពស់​សុខភាពសាធារណៈ។

ចាប់ពីឆ្នាំ២០១០ អង្គការ ESC បាន​សហការ​ជា​មួយ​អង្កការ BORDA របស់​ប្រទេស​អាលឺ្លម៉ង់​ដើម្បី​អនុវត្តគម្រោង គ្រប់​គ្រង​សំណល់​ទឹក​សម្អុយ។

អនាម័យសម្រាប់សាលារៀន

news_1_thumb សាលារៀន គួរ​​តែ​​ជា​​កន្លែង​​ដែល​​ផ្តល់​សុវត្ថិភាព​និងស្វាគមន៍​​ដល់​សិស្សា​​នុសិស្ស​​ទាំងអស់ ដើម្បី​​សិក្សា​​រៀនសូត្រ និង​ធ្វើ​ឲ្យ​រីក​ចម្រើន​ផ្នែក​​ស្មារតី​។ ការ​​​សម្អាត​​បរិស្ថាន ​ជុំវិញ​​សាលា​​​ឲ្យ​ស្អាត ​មិនត្រឹមតែជះឥទ្ធិពល​ ដល់​លទ្ធផល​​នៃកា​រ​សិក្សា របស់​សិស្ស​ប៉ុណ្ណោះ​ទេ​វា​ថែម​​ទាំង​ជះ​​ឥទ្ធិពល​​ដល់សុខភាព របស់​ពួក​​គេ​​​ផង​​ដែរ។

តែទោះជាយ៉ាងណាក៏ដោយសិស្សសាលាជាង​៣លាន​នាក់នៅ​ប្រទេស​កម្ពុជា តែងតែ​ជួប​នូវបញ្ហាផ្សេងៗពីគ្នា។ បញ្ហាកង្វះទឹកស្អាត និងអនាម័យ​ គឺជាបញ្ហា​ដ៍​ចម្បងនៅ​​១/៣​ នៃសាលា ចំនួន ១០,០០០​នៅក្នុងប្រទេសកម្ពុជា គឺគ្មានបង្គន់អនាម័យ​ទេ​ហើយបើទោះ​បីជាមានបង្គន់ក៏ភាគ​ច្រើន​នៃ​បង្គន់​ទាំង​នោះ​​​គ្មាន​​អនាម័យ​ឬ​មិន​​ដំណើរ​ការ។

ការខ្វះខាត​សម្ភារៈ អនាម័យ​​បាន ​គំរាម​​គំហែង​ដល់លក្ខណៈ​ឯក​ជន និង​សុវត្ថិភាព​របស់សិស្ស ដែលវាគឺជាកត្តា​នាំទៅ​រកការចម្លងមេរោគ។  កត្តា​​ទាំង​អស់​នេះ ​អាច​ជះ​​ឥទ្ធិពល​​​ដល់ សុខភាព​និងកា​រសិក្សា​របស់ពួកគេ ដែលវាបានជះឥទិ្ធពលអាក្រក់ ដល់​លទ្ធផល នៃ​ការ​សិក្សា​របស់​ពួកគេ​ ផង​ដែរ។

សិស្ស​ដែល​មាន​សុខភាព​ល្អ​ អាចរៀន​​បាន​ពូ​កែ​អាច​​កា្លយ​ទៅ​ជាពលរដ្ឋ​ល្អក្នុង​សង្គមព្រម​ទាំងអាចជួយ​ ពន្យល់អំពីសារៈ ប្រយោជន៍​នៃ​ការ​​រក្សា​អនាម័យ​និង​មាន​វិធានការ​សម្អាតផ្ទះ និងតាមសហគមន៍​របស់ពួកគេ។ ប្រការ​​នេះ​​នឹង​ផ្ដល់​​នូវ​ផល​​ប្រយោជន៍ ល្អសម្រាប់ប្រទេសកម្ពុជា​នាពេលបច្ចុប្បន្ន​​ក៏ដូច​ជា​អនាគត។ សូមចុចទីនេះដើម្បីអានបន្ត