English (United Kingdom)khmer (Kh)
Imagea Imageb Imagec Imaged Imagee Imageg Imagei Imagej Imagek Imagel Imagen
អង្គការអនាម័យដើម្បីបរិស្ថានកម្ពុជា (ESC) គឺ​ជា​អង្គការ​ក្រៅ​រដ្ឋាភិបាល​ដែល​ធ្វើការ​ដើម្បី​អនាម័យ សុខភាព​និង​និរន្តរភាព​សម្រាប់​​អ្នក​​ទាំង​អស់​​គ្នា។

យើងផ្តល់​សេវាកម្ម​ផ្នែក​បច្ចេកទេស​និង​សង្គម​ដើម្បី​ធ្វើ​ឲ្យ​​មាន​ការ​កែ​ប្រែ​ឥរិយាបថ​ចំពោះ​សុខភាព​និង​អនាម័យ​ព្រម​​ទាំង​​ការ​គ្រប់​គ្រង​​​សំណល់​​​ឲ្យ​បាន​​ត្រឹម​ត្រូវ​និង​មាន​សុវត្ថិភាព។

យើង​​ធ្វើការ​​នៅ​តាម​សាលារៀន មន្ទីរពេទ្យ សហ​គមន៍ និង​សហគ្រាស​​ខ្នាត​តូច​និងមធ្យម​ដើម្បី​ជួយ​ការពារ និង​លើក​កំពស់​សុខភាពសាធារណៈ។

ចាប់ពីឆ្នាំ២០១០ អង្គការ ESC បាន​សហការ​ជា​មួយ​អង្កការ BORDA របស់​ប្រទេស​អាលឺ្លម៉ង់​ដើម្បី​អនុវត្តគម្រោង គ្រប់​គ្រង​សំណល់​ទឹក​សម្អុយ។

គម្រោងទឹកស្អាតនិងអនាម័យតាមមន្ទីរពេទ្យនៅក្នុងប្រទេសកម្ពុជា

news_2_thumb

ជាទូទៅអ្នកជំងឺ តែង​តែ​​ស្វែងរក ការព្យាបាល ពី​​មន្ទីរពេទ្យដែល មានសម្ភារៈល្អ និង គ្រូ​ពេទ្យ​ដែល​ប្រកាន់ ខ្ជាប់នូវ អនាម័យ​ល្អ។ ប៉ុន្តែវាពិតជាមាន ការលំបាកណាស់សម្រាប់កន្លែងផ្តល់សេវាព្យាបាលជាច្រើន ជាពិសេសក្នុងតំបន់​​ជន​បទ​នៃ ប្រទេស​​កម្ពុជា ក្នុងការជួសជុល ឬ រៀបចំឲ្យមាន ហេដ្ឋារចនា​សម្ព័ន្ធ​អនាម័យ​ដែល ទំនើបសម្រាប់ប្រើប្រាស់​។ ​ទឹក មិន​ស្អាត និងការគ្រប់គ្រង អនាម័យមិនបានល្អ ​គឺ​ជា​កត្តា​មួយ​ដែល​ជះឥទ្ធិពល ទៅលើ​​​​ការព្យាបាល នៅតាម មន្ទីរ​​ពេទ្យ​សាធារណៈ នៅក្នុង​ប្រទេស​កម្ពុជា។

ជាទូទៅអ្នកជំងឺ តែងតែ​​ស្វែងរកការព្យាបាល ពី​​មន្ទីរពេទ្យដែល មានសម្ភារៈល្អ និង គ្រូពេទ្យដែល​​ប្រកាន់ ខ្ជាប់នូវ អនាម័យ​ល្អ។ ប៉ុន្តែវា​ពិតជាមាន ការលំបាក​ណាស់ សម្រាប់កន្លែងផ្តល់សេវា​ព្យាបាល​ ជាច្រើន ជាពិសេស ក្នុង​តំបន់​ជនបទ​នៃ ប្រទេស​កម្ពុជា ក្នុងការជួសជុល ឬ រៀបចំឲ្យមានហេដ្ឋារចនាសម្ព័ន្ធអនាម័យដែល ទំនើប​សម្រាប់ប្រើប្រាស់​ ។ ​ទឹក មិន​ស្អាត និង​ការ​គ្រប់គ្រង អនាម័យ​មិនបានល្អ ​គឺជាកត្តាមួយដែល​ជះឥទ្ធិពល ទៅលើ​​​​ការព្យាបាល នៅតាម មន្ទីរ​​ពេទ្យ​សាធារណៈ នៅ​ក្នុង​ប្រទេស​កម្ពុជា។

តាមរយៈគម្រោងរបស់អង្គកា​​​ES​C ​​និង​​ BORDA​​Cambodia ​​​សហការជាមួយម្ចាស់ជំនួយនិងជាម្ចាស់គម្រោងគឺអង្គការ​​​​LienAid បាន​​​ចូលរួម លើក​​កំពស់​​ហេដ្ឋា​​រចនាសម្ព័ន្ធ ទឹកស្អាត ​និង​អនាម័យ នៅ​​មន្ទីរពេទ្យប​​ង្អែក ​​ខេត្ត​​កំពង់​ស្ពឺ​​ដើម្បី​ជួ​យលើកកំ​ពស់​ ​​សេវាសុខភាព​នៅក្នុង​ខេត្ត​កំព​ង់​​ស្ពឺទាំង​មូល។

​នៅក្នុងកញ្ចប់​​គម្រោងនេះគឹ មាន​​ការសាងសង់​ប្រព័ន្ធ​ឌីវ៉ាត​ដែលអាចធ្វើ​​ប្រព្រឹត្តិកម្ មទឹកសំអុយបាន​​​​​​ ៤០ម៣/​​ថ្ងៃ ធ្វើឲ្យ ​ទឹក​សំអុយ​ដែលចេញ​ពី​មន្ទីរពេទ្យ​​មិន​បំពុល​​ដល់​បរិស្ថាន​ និង​ប៉ះពាល់ដល់​សុខភាពសាធារណៈ។​​​ បន្ថែមលើនេះ​ទៀត គម្រោងក៍បាន​​ជួសជុល សម្ភារៈ​អនាម័យ ដែលមាន​ស្រាប់​​និង​សាងសង់ បង្គន់​ថ្មីចំនួន​៥​ខ្នង ដែល​រួមមាន​បង្គន់អនាម័យ​ទឹក​ ផ្កាឈូក​កន្លែងលាង​ដៃនិង​កន្លែងបោកគក់​។

មន្ទីរពេទ្យបង្អែកខេត្តកំពង់ស្ពឺជាមន្ទីរពេទ្យដែលធំជាងគេនៅក្នុងខេត្តដែលមាន១៣០គ្រែនិងបុគ្គលិកចំនួន១២០នាក់ដែលអាចបំរើអ្នកមកព្យាបាលជំងឺ​ដោយ​មិនសម្រាក​ពេទ្យចំនួន២០០០០នាក់ និងអ្នកមក​ព្យាបាលជំងឺ​ដោយ​សម្រាកពេទ្យ​ចំនួន​ ៦៣០០នាក់ ក្នុង១ឆ្នាំ។ក្រៅអំពីបុគ្គលិកនិងអ្នកជំងឺក៍មាន​សមាជិក​ក្រុមគ្រួសារដែលមកថែទាំអ្នកជំងឹក្នុងកំឡុងពេលសម្រាក​ព្យាបាល​នៅក្នុងមន្ទីរពេទ្យជាច្រើននាក់ទៀត។ អ្នកទាំងអស់នេះគឺទទួល​បាន​អត្ថប្រយោជន៍​ពីគម្រោង​ទឹកស្អាត និងអនាម័យ នៅក្នុងមន្ទីរពេទ្យ។

អ្នកម្តាយម្នាក់ដែលមានកូនឈឺលែងបារម្ភពីការស្វែងរកបង្គន់ ឬកន្លែងស្អាត​សម្រាប់ងូត​ទឹកឲ្យកូនរបស់គាត់ទៀត ហើយសម្ភារៈអនាម័យថ្មីនេះនឹងជួយសម្រួល ការ​លំបាក​​របស់ពួកគាត់ ក៍ដូចជារួម​ចំណែក ក្នុងការធ្វើ​ឲ្យពួក​គាត់មាន សុខភាព​ល្អ​ ។